Friday, June 8, 2018

வெள்ளைப்படுதல்

வெள்ளைப்படுதல்


நமது உடலில் பல பகுதிகளில் பிசுபிசுப்புத்தன்மை தேவைப்படுகிறது. பெண்களின் பிறப்பு உறுப்பு எப்போதும் ஈரப்பசை மற்றும் வழவழப்புடன் இருக்கவேண்டியதிருக்கிறது. அதற்காக இந்த பிசுபிசுப்பான வெள்ளைத் திரவம் சுரக்கிறது. இது, பிறப்பு உறுப்பின் தசைப் பகுதியில் இருந்தும், கருப்பையின் வாய் மற்றும் அதன் உட்சுவர்களில் இருந்தும் சிறிதளவு சுரந்து வருகிறது. இதன் சுரப்பு அதிகமாகிவிடும்போது அதனை வெள்ளைப்படுதல் என்று கூறுகிறோம்.


https://marhum-muslim.blogspot.com/

  வெள்ளைப்படுதல் என்பது என்ன?  
வயதுக்கு வரப்போகும் பெண்களுக்கும், சமீபத்தில் வயதுக்கு வந்த பெண்களுக்கும், திருமணமான பெண்களுக்கும்தான் அதிக வெள்ளைப்படுதல் ஏற்படும் என்பது சரியா?
சரியல்ல! பெண்களின் எல்லாப் பருவத்திலும் இது வரக்கூடும். குறிப்பாக 15 வயது முதல் மாதவிலக்கு இறுதியாக நின்று போகும் காலம் வரை வெள்ளைப்படுதல் இருப்பது வழக்கம். கருப்பையில் நோய் ஏதாவது இருந்தால் மாதவிலக்கு நின்றுபோகும் காலத்திற்குப் பிறகும் வெள்ளைப்படுதல் நீடிக்கும்.
  எப்போது வெள்ளைப்படுதல் அதிகமாக இருக்கும்?  
சினைப்பையில் இருந்து சினைமுட்டை வெளியாகி கருப்பைக்கு வரும் காலத்தில், மாதவிலக்கு தொடங்குவதற்கு சில நாட்களுக்கு முன்பும்- பின்பும், கர்ப்பகாலத்திலும் வெள்ளைப்படுதல் அதிகமாக இருக்கும். தாம்பத்ய உறவின் போது பெண்களின் உணர்ச்சி உச்சம் அடையும் நிலையில் சுரப்பு அதிகப்படும்.
நோய்த்தன்மையாகும் வெள்ளைப்படுதலின் அறிகுறிகள் என்னென்ன?
நிறம், வாசனை, அளவு போன்றவை மாறுபடுவது அறிகுறியாகும். பிறப்பு உறுப்பில் அரிப்பும் ஏற்படும். உள்ளாடை நனையும் அளவிற்கும், கால்களில் வழியும் அளவிற்கும் இருந்தால் அது உடனடியாக கவனிக்கத்தகுந்த அறிகுறியாகும்.
  வெள்ளைப்படுதல் அதிகரிக்க காரணங்கள் என்ன?  
யோனிக்குழாயில் கிருமித் தொற்று இதற்கு முக்கிய காரணம்.
ஆண் உறுப்பின் நுனித்தோல், சிறுநீர்துளை, ஆண்மை சுரப்பி ஆகிய இடங்களில் 'டிரைக்கோமோனஸ் வெஜைனாலிஸ்' என்ற கிருமிகள் காணப்படுகின்றன. இது ஆண்களிடமிருந்து பெண்களுக்கு தொற்றுகிறது. கிருமிகள் உள்ள ஆண்கள் பயன்படுத்தும் கழிப்பிடம், குளியல் அறை போன்றவைகளை பயன்படுத்தும் திருமணமாகாத பெண்களுக்கும், சிறுமிகளுக்கும்கூட வெள்ளைப்படுதல் ஏற்படலாம்.
கிருமித் தொற்றால் வெள்ளைப்படுதல் ஏற்பட்டால் சுரப்பு மஞ்சள் நிறத்திலோ, இளம் பச்சை நிறத்திலோ காணப்படும். அரிப்பு தோன்றும். சிறுநீர் கழிக்கையில் எரிச்சலும், கடுப்பும் தோன்றும். தாம்பத்ய தொடர்பின்போது எரிச்சல், வலி ஏற்படும். மாதவிலக்கின்போது கிருமிகள் அதிகம் பெருகுவதால் அதிகமாக வெள்ளைப்படும். யோனிக் குழாயில் நுரைத்த வெண் திரவம் தெரியும். அந்த குழாய் சிவந்து, கருப்பையின் வாய்ப் பகுதியில் செம்புள்ளிகளும் காணப்படும். வெள்ளைப்படுதலை ஏற்படுத்தும் கிருமிகள் பெண்ணிடம் இருந்து ஆணுக்கும் வரும். கருத்தடை மருந்துகள், நுண்ணுயிர்க் கொல்லி மருந்துகள், ஸ்டீராய்டு மருந்துகள் போன்றவைகளை நீண்டகாலம் பயன்படுத்தி வந்தாலும் வெள்ளைப்படுதல் அதிகமாகும்.
கண்களுக்கு தெரியாத நுண்கிருமிகள் கருப்பையில் தொற்றிக்கொண்டாலும் வெள்ளைப்படுதல் அதிகரிக்கும். அதனால் பெண்கள் உடலையும், உள்ளாடையையும் சுத்தமாக வைத்துக்கொள்ளவேண்டும். சிறுநீர் கழித்த ஒவ்வொருமுறையும் தண்ணீஇரால் கழுவுவதும் அவசியம். நுண்கிருமிகளின் வகை மற்றும் தாக்குதலின் தன்மையைப் பொறுத்து வெள்ளைப்படுதலின் அளவு அதிகரிக்கும். பால்வினை நோய்களாலும் இந்த பாதிப்பு ஏற்படும்.
 கருப்பை கோளாறால் வெள்ளைப்படுதல் ஏற்பட்டால் என்னென்ன அறிகுறிகள் ஏற்படும்?  
கருப்பை கோளாறால் வெள்ளைப்படுதல் ஏற்பட்டால் அரிப்பு தோன்றாது. ஆனால் அடிக்கடி அடிவயிறு வலிக்கும். கருப்பை புற்றுநோயால் அதிக வெள்ளைப்படுதல் ஏற்பட்டால், அது இளஞ்சிவப்பாக இருக்கும். உள்ளாடையில் திட்டாக கறைபோல் படியும். சில வேளைகளில் உள்ளாடை முழுவதும் நனைந்துவிடவும்கூடும். அப்போது நாற்றமும் அதிகமாக இருக்கும். ஹார்மோன் குறைபாடு காரணமாகவும் அதிக வெள்ளைப்படுதல் ஏற்படுவதுண்டு. கருத்தடைக்கு பயன்படுத்தும் சாதனங்கள், யோனிக் குழாயில் செருகும் மாத்திரைகள், அப்பகுதியில் பயன்படுத்தும் களிம்புகள் போன்றவைகளால் அலர்ஜி ஏற்பட்டு வெள்ளைப்படுவதும் உண்டு. அத்தகைய பொருட்களின் பயன்பாட்டை நிறுத்திவிட்டாலே வெள்ளைப்படுதல் சரியாகிவிடும்.
சாதாரண நிலையிலும் வெள்ளைப்படுதல் ஏற்படலாம். ஆபத்தான நோய்களின் அறிகுறியாகவும் வெள்ளைப்படுதல் ஏற்படலாம். அதனால் தொடக்கத்திலே வெள்ளைப்படுதலுக்கான காரணத்தைக் கண்டறிந்து, அதற்கு சிகிச்சை பெறவேண்டும். நவீன சிகிச்சைகளும், மருந்துகளும் இதற்காக உள்ளன. வெட்கமும், அலட்சியமும் கொண்ட பெண்களை வெள்ளைப்படுதல் அதிகம் பாதிக்கிறது.
வைத்துக்கொள்ளலாமா?. முதல் முறையாக கர்ப்பத்தை சந்திக்கும் பெண்ணும், அவரது கணவருக்கும் ஏற்படும் பொதுவான சந்தேகம்தான் இது. கர்ப்பம் மற்றும் செக்ஸ் உறவு குறித்த தவறான கருத்துக்களும், எது சரி, எது தவறு என்பது குறித்த குழப்பங்களும், பயமும் கர்ப்ப காலத்தின்போது செக்ஸ் உறவிலிருந்து பலரையும் விலக்கிக் கொண்டு சென்று விடுகிறது.
கர்ப்ப காலத்தின்போது பெண்கள் மனதளவிலான மாற்றங்களை சந்திக்கிறார்கள். உணர்ச்சிவசப்பட்டவர்களாக பெரும்பாலான பெண்கள் அச்சமயத்தில் இருப்பார்கள். அந்த சமயத்தில் அவர்களின் எதிர்பார்ப்புகள் பூர்த்தியாகாமல் போனாலோ அல்லது திருப்திக் குறைவு ஏற்பட்டாலோ அது அவர்களுக்கு பெரும் மன உளைச்சலை ஏற்படுத்துகிறது. அது கருவில் இருக்கும் சிசுவையும் பாதிக்கும்.
கணவரிடமிருந்து போதிய ஒத்துழைப்பு, ஆதரவு கிடைக்காமல் போனால் அவர்களுக்குள் பெரும் ஏமாற்றம், எரிச்சல், பசியின்மை உள்ளிட்டவை ஏற்படும். இந்த எதிர்பார்ப்புகள் செக்ஸ் உறவை மட்டுமே அடிப்படையாகக் கொண்டவை அல்ல.
இந்த மாற்றங்களை, பாதிப்புகளை பெரும்பாலான ஆண்கள் புரிந்துகொள்வதில்லை. அல்லது நிவர்த்தி செய்ய முயலுவதில்லை. அதற்குப் பதிலாக சிம்பிளாக டாக்டரிடம் கூட்டிக் கொண்டு காட்டுவதையே விரும்புகிறார்கள்.
கர்ப்ப காலத்தின்போது தங்களது மனைவியரின் உணர்வுகளையும் புரிந்துகொள்ள ஆண்கள் முன்வர வேண்டும். செக்ஸ் உறவு வைத்துக்கொள்ள விரும்பினால் முறையான, இருவருக்கும் மனம் ஒத்த நேரத்தில் அதைச் செய்ய முயல வேண்டும். மாறாக மனைவியை அதற்காக வற்புறுத்துவது கூடாது.
கர்ப்ப காலத்தின்போது பெரும்பாலான பெண்களுக்கு கணவரின் அருகாமை மிகவும் அவசியமாக தேவைப்படுகிறது. அது உடலுறவாக மட்டுமே இருக்க வேண்டிய அவசியமில்லை. கொஞ்சம் முத்தம், அன்புப் பரிமாற்றங்கள், நெருக்கமாக இருப்பது ஆகியவற்றைத்தான் பெரும்பாலான பெண்கள் அதிகம் விரும்புகிறார்கள். அதேசமயத்தில் கர்ப்ப காலத்தின்போது தாராளமாக உடலுறவு வைத்துக்கொள்ளலாம்.
அதுபோன்ற தருணங்களில் வழக்கமான முறையில் (மேலே ஆண், கீழே பெண்) செக்ஸ் உறவை வைத்துக்கொள்வதைத் தவிர்க்க வேண்டும். மாறாக உல்டா முறையில் செக்ஸ் உறவை பேணலாம். அல்லது இருவரும் அமர்ந்த நிலையில் கூட செக்ஸ் உறவை மேற்கொள்ளலாம். இதன் மூலம் வயிற்றின் மீது அழுத்தம் ஏற்படாது. இது வயிற்றில் இருக்கும் சிசுவுக்கு நல்லது. மேலும் இயக்கமும் கூட நிதானமாக, மெதுவாக இருக்குமாறு பார்த்துக்கொள்ள வேண்டியது அவசியம்.
கர்ப்பம் தரித்து 6 முதல் 12 வாரம் வரை செக்ஸ் உறவைத் தவிர்ப்பது நல்லது. அந்த சமயத்தில் உறவு வைத்துக் கொண்டால், கரு கலைந்து போய் விட வாய்ப்பாகி விடும். அதேபோல கர்ப்ப காலத்தின் கடைசி இரண்டு மாதங்களின்போதும் செக்ஸ் உறவு கூடாது. இதனால், பனிக்குடம் உடைந்து குழந்தைக்குப் பாதிப்பை ஏற்படுத்தும் அபாயம் உள்ளது.
அதேபோல கர்ப்ப காலத்தின் 4 முதல் 7வது மாதம் வரை தேவைப்பட்டால் மட்டுமே செக்ஸ் உறவைக்கொள்ள வேண்டும்.
கர்ப்ப காலத்தின்போது வாய் வழி செக்ஸ் உறவு மற்றும் ஏனல் செக்ஸ் ஆகியவற்றை கண்டிப்பாக தவிர்க்க வேண்டும்.
கர்ப்பிணிப் பெண்களுக்கு அந்த சமயத்தில் உடல் அழகும், பொலிவும் சற்று குறைவதும், குலைவதும் இயற்கை. இதனால் அந்த சமயத்தில் தங்களது பார்ட்னர்கள் மீதான ஈர்ப்பு ஆண்களுக்குக் குறைவதுண்டு. இந்த சமயத்தில்தான் பல ஆண்கள் வேறு பெண்களை நாடுவதும் நடக்கிறது. ஆனால் இது தவறு, இந்த சமயத்தில்தான் மனைவிக்குத் துணையாக, அவருக்கு ஆறுதலாக, பரிவை பொழிய வேண்டிய தருணம் என்பதை பல ஆண்கள் மறந்து விடுகிறார்கள்.
தாரத்தின் அழகை விட தாய்மையின் அழகைத்தான் அப்போது ஆண்கள் முக்கியத்துவம் தந்து பார்க்க வேண்டும், போஷிக்க வேண்டும். மனைவியின் மன ஓட்டங்களைப் புரிந்து கொண்டு அதற்கு நல்ல வடிகாலாக இருக்க வேண்டியது ஆண்களின் கடமை.
பாதுகாப்பான முறையில், பாதுகாப்பான தருணத்தில் உடல் உறவைக்கொள்ள முடியும் என்பதைப் புரிந்து கொண்டு அதுதொடர்பான அறிவை வளர்த்துக் கொண்டால் கர்ப்ப காலத்திலும் கூட தம்பதிகள் கலகலப்பாக இருக்க முடியும்.
நாமும்ஒற்றைப் படை இரவுகளும்

நாமும்ஒற்றைப் படை இரவுகளும்

ஒற்றைப் படை இரவுகளும் நாமும்
      முனைவர் மௌலவி நூ. அப்துல் ஹாதி பாகவி     
“ரமளானின் கடைசிப் பத்து நாள்களில் உள்ள ஒற்றைப்படை இரவுகளில் லைலத்துல் கத்ரைத் தேடுங்கள்” என அல்லாஹ்வின் தூதர் ஸல்லல்லாஹு அலைஹி வஸல்லம்   அவர்கள் கூறினார்கள். (நூல்: புகாரீ: 2017)
கடைசிப் பத்து இரவுகளில் லைலத்துல் கத்ரைத் தேடி நல்லறங்கள் செய்ய மக்களைத் தூண்டாமல் நாங்கள் பேசுவதை நீங்கள் கேட்டுக்கொண்டே இருங்கள் என்று அடிப்படையில் ஆங்காங்கே பயான் நிகழ்வுகள் நடத்தப்படுகின்றன.
பயான் தேவைதான். எந்த நேரத்தில் அது தேவையோ அப்போது மட்டுமே அதை வழங்க வேண்டும். எப்போது பார்த்தாலும் பயான்தானா?
சில பள்ளிகளில் ஒற்றைப்படை இரவுகளில் பயான், சில பள்ளிகளில் கடைசிப் பத்து இரவுகளும் பயான் என்று வைப்பது எவ்வகையில் நபிகளாரின் கூற்றை நடைமுறைப்படுத்தியதாக அமையும்?
ஒற்றைப்படை இரவுகளில் தனிமனிதச் செயல்பாடுகளே அவரவரின் வினைச்சுவடியை நிரப்பும். நன்மைகளை அறுவடை செய்ய வேண்டிய இரவுகள் அவை.
நன்மைகளை ஈட்டத் தூண்ட வேண்டியவர்கள், நாங்கள் பேசுவதை நீங்கள் கேட்டுக்கொண்டிருந்தால் போதும் என்ற நிலைக்கு மக்களைத் தள்ளுவது நியாயமா?
உபரித் தொழுகை (நஃபில்) தொழுதல், தஸ்பீஹ் தொழுகை தொழுதல், குர்ஆன் ஓதுதல், குர்ஆனைக் கற்பித்தல், திக்ர் செய்தல், துஆச் செய்தல் உள்ளிட்ட தனிமனித நல்லறங்களே கடைசிப் பத்து இரவுகளில் ஒவ்வோர் ஆணும் பெண்ணும் செய்ய வேண்டும். இதை விட்டு விட்டு பயான் கேட்டுக் கொண்டிருப்பது நபிவழி ஆகாது. அந்தந்தப் பள்ளியில் அந்தந்த இமாம் செய்கின்ற பயானே போதுமானது. 
சஹர் நேர பயான் எவ்வாறு தனிமனித நல்லறங்களைத் தடுக்கிறதோ அதுபோலவே ஒற்றைப்படை இரவு பயான்களும் கடைசிப் பத்து இரவுகளின் பயான்களும் தனிமனித நல்லறங்களைத் தடுப்பதில் பெரும்பங்கு வகிக்கின்றன.
எனவே நாம் அனைவரும் நம்மால் இயன்ற வரை தனிமனித நல்லறங்கள் செய்து நம்முடைய நன்மைத் தட்டைக் கனக்கச் செய்வதற்கான முயற்சியில் ஈடுபடுவோமாக.
-முனைவர் மௌலவி நூ. அப்துல் ஹாதி பாகவி
இது ஒருபுறமிருக்க சமீபகாலமாக ஒரு மோசமான கலாச்சாரம் இஸ்லாமிய ஊர்களில் தொற்றிக்கொண்டுள்ளது. பள்ளிவாசலில் தொழ வைப்பதை, பயான் செய்வதை, குர்ஆன் ஓதுவதையும் கூட வெளி மைக்குகளில் ஒலிபறப்புவதில் தொடங்கி தற்போது தெருவுக்குத் தெரு குழல் ஒலிபெருக்கியின் மூலம் ஒலிக்கச்செய்து ரமளான் மாத இரவின் புனிதத்தை முற்றிலுமாக சீர்குலைக்கும் செயலும் ஏதோ நன்மையான காரியம் போல் அறங்கேறி வருகிறது.
தமிழக் ஜமா அத்துல் உலமா சபை இதை கண்டித்தபோதும் எவரும் காதில் வாங்கியதாகத் தெரியவில்லை.

Friday, June 1, 2018

அனைவருக்கும் அல்குர்ஆன்

அனைவருக்கும் அல்குர்ஆன்

[ குர்ஆனை படிக்கும்போது முதலில் நம்பிக்கை ஏற்படவேண்டும்.   சந்தேகம் தேவையில்லை.   இறைவனை அஞ்சுபவருக்கு ஹிதாயத் நேர்வழி தரும். இறை நம்பிக்கையாளர்களுக்கு வழிகாட்டி குர்ஆன்.   முதல் நிபந்தனை அல்லாஹ்வுக்கு அஞ்சுவது; தக்வா.
உமர் ரளியல்லாஹு அன்ஹு தக்வா குறித்து வினவப்பட்டது. இரண்டு பக்கம் முட்கள் நிறைந்த ஒற்றையடி பாதை. ஆடை கிழியாமல், உடல் சேதமுறாமல் பாதுகாப்புடன் நடப்பது. இரண்டு திசைகளிலும் ஷைத்தான்கள் கவனத்தை திரும்புகின்றனர். ஷைத்தான்களிடம் சிக்காமல் உலகில் வாழவேண்டும். உமர் ரளியல்லாஹு  அன்ஹு விளக்கினார்கள். வஸ்வஸா குழப்பம், தீய சிந்தனையில் விழாமல் நடைபோட வேண்டும்.
உங்களுக்கு எதிராக இண்டர்நெட் ஆபாசம், சேட்டிங், நிர்வாணம் பாவங்களிலிருந்து தப்பிப்பது தக்வா ஆகும்.  ஆங்கில நாளிதழில் கட்டுரை வெளிவருகிறது. நடனம் ஆடினால் உடல் வலிமை பெறும். உலகமக்களின் துனியா விரும்பிகளின் நோக்கம். நாங்கள் கெட்டுப் போய்விட்டோம். நீங்களும் பாழாய் போங்கள். மேற்கத்திய கலாச்சாரம் பரவினால் ஒழுக்கம் குறையும். காணாமல் போகும்.
உலக மதங்களின் அடிப்படை இறைவன், இறைநினைப்பு, ரஷ்யாவில் நாத்திகம் பேசினர். ஆனால் இப்போது இறைவனை ஒப்புக் கொள்கின்றனர். சமுதாயம் சீரழிந்த பின்னர் ‘‘அல்லாஹ்’’ நினைவு வருகிறது.]
      அல்குர்ஆன் அனைவருக்கும்!     
பகரா சூரா ஐந்து வசனங்கள். மூஃமீன் மாடல், இறை விசுவாசியின் முன் மாதிரி கூறப்பட்டுள்ளது. முதல் வசனத்தில் முழு அடிப்படை தரப்படுகிறது. இது எப்படிப்பட்ட வேதம். சந்தேகத்துக்குரியதல்ல. பிற வேதங்கள் குறித்த சந்தேகம் எழக்கூடும். திருப்தி, நிம்மதி மூஃமின்களுக்கு கிடைக்கிறது. வேறு மதத்தவருக்கு கிடைப்பதில்லை. வானத்தின் கீழ் ஒரு வேதம் உள்ளது. அதில் எவ்வித திருத்தமும் செய்யப்படவில்லை. அதுதான் குர்ஆன். பரிசுத்தமான வேதம்.
இறைவனின் இரு பெரும் நிஃமத் அருட்கொடை 1) நபிகளார் பூமிக்கு அருளப்பட்டது. அவருடைய பரக்கத், ரஹ்மத் கிடைத்தது. 2. இறைவேதம். இன்னுமொரு நிஃமத் இரண்டு நிஃமத்துகளுடன் ஒப்பிடும்போது பிற அருட்கொடைகள் பொருளற்றவை. மதிப்பற்றவை. நிச்சயமாக இன்ஜீல் இறைவன் அருளியதாகும். தவ்ராத், சபூர் இறைவன் வழங்கிய வேதங்கள். முஸ்லிம் இறைவனை நம்புகிறார். இறைத்தூதர்களை நம்புகிறார். மறுமை நாளை நம்புகிறார். கிதாபுகளை நம்புகிறார். லாபம், நட்டம் தரும்விதி, தலையெழுத்து.
இறைவனே விதியை தீர்மானிக்கிறான். இஸ்லாத்தின் மைய அச்சு, ஐந்து அம்சங்களில் இழையோடுகிறது. குர்ஆனை படிக்கும்போது முதலில் நம்பிக்கை ஏற்படவேண்டும். அதனால் முதல் வசனம் வரையறுத்துவிடுகிறது. சந்தேகம் தேவையில்லை. இறைவனை அஞ்சுபவருக்கு ஹிதாயத் நேர்வழி தரும். இறை நம்பிக்கையாளர்களுக்கு வழிகாட்டி குர்ஆன். இன்னுமொரு இடத்தில், ‘‘மனிதர்களின் வழிகாட்டி’’ கருத்து வருகிறது. அனைவருக்குமான வழி இருந்தாலும், முதல் நிபந்தனை அல்லாஹ்வுக்கு அஞ்சுவது. தக்வா விளக்கம் கவனத்துக்குரியது.
உமர் ரளியல்லாஹு அன்ஹு தக்வா குறித்து வினவப்பட்டது. இரண்டு பக்கம் முட்கள் நிறைந்த ஒற்றையடி பாதை. ஆடை கிழியாமல், உடல் சேதமுறாமல் பாதுகாப்புடன் நடப்பது. இரண்டு திசைகளிலும் ஷைத்தான்கள் கவனத்தை திரும்புகின்றனர். ஷைத்தான்களிடம் சிக்காமல் உலகில் வாழவேண்டும். உமர் ரளியல்லாஹு அன்ஹு விளக்கினார். வஸ்வஸா குழப்பம், தீய சிந்தனையில் விழாமல் நடைபோட வேண்டும்.
உங்களுக்கு எதிராக இண்டர்நெட் ஆபாசம், சேட்டிங், நிர்வாணம் பாவங்களிலிருந்து தப்பிப்பது தக்வா ஆகும். ஆங்கில நாளிதழில் கட்டுரை வெளிவருகிறது. நடனம் ஆடினால் உடல் வலிமை பெறும். உலகமக்களின் துனியா விரும்பிகளின் நோக்கம். நாங்கள் கெட்டுப் போய்விட்டோம். நீங்களும் பாழாய் போங்கள். புஷ் ஒருமுறை கூறினார் முஸ்லிம்கள் நடனமாடுவதில்லை. மது அருந்துவதில்லை. ஆகையால் தீவிரவாதத்தின் பக்கம் விரைகின்றனர்.
ஒபாமா ஜனாதிபதியானதும் செய்த முதல் காரியம், உலக மக்கள் முன் மனைவியுடன் பகிரங்கமாக நடனமாடினார். அமெரிக்க கலாச்சாரம் இதுதான். நண்பர் ஒருவர் எனக்கு விருந்தளித்தார். மனைவியுடன் சகஜமாக உபசரித்தார். கோஷா, பர்தா, தடுப்பு இல்லை. மிகவும் தவறான நடவடிக்கை. பாவகாரியம். கணவன் மனைவி அன்னியோனியம் அளவுக்குள் நடக்கலாம். வெளி உலகில் சமுதாய ஒழுக்க வரம்புகளை கடைப்பிடித்த ஆகணும்.
மேற்கத்திய கலாச்சாரம் பரவினால் ஒழுக்கம் குறையும். காணாமல் போகும். நபித்தோழர் கையில் குங்குமப்பூ சாயம் நிறம் கண்ட நபிகளார் திருமணம் நடைபெற்ற விபரத்தை கேட்டறிந்தார். நபிகளாரின் நாட்களில் திருமணம் மிக இயல்பாக நடைபெற்றது. நபியை அழைக்காமல் திருமணம் என்றாலும் நபிகளார் வருந்தவில்லை. வலிமா எப்போது? வலிய கேட்டறிந்தார் நபிகளார். ஆனால், இன்றைய காலகட்டத்தில் திருமண அழைப்பு பெரும் கோபத்தை ஏற்படுத்துகிறது.
டெலிபோன் அழைப்பு ஏற்கலாம். நேரில் வர நிர்ப்பந்திக்கக் கூடாது. உங்கள் கண்முன் நபிகளாரின் முன்னுதாரண வாழக்கை மட்டுமே நிற்க வேண்டும். உலகில் நிகழும் கீழ்த்தர மாற்றங்கள் தேவையில்லை. ‘‘துஆவுக்காக, குத்பா ஓத என்னை அழைத்திருக்கலாம்.’‘ நபிகளாரின் விழைவல்ல. வற்புறுத்தவில்லை. இன்றைய நாட்களில் இல்ம் கல்வி அதிகம். ஆனால் சகிப்புத்தன்மை ஹில்ம் குறைந்துள்ளது. சின்னஞ்சிறிய அசௌகரியங்களை பொறுத்துக் கொண்டால், உங்களின் மதிப்பு உயரும். தரஜா அதிகமாகும். பகல் வேலை செய்வதற்கு. இரவில் உறங்கி ஓய்வெடுக்க வேண்டும். இறைநியதி. ஆனால் கம்பெனிகள் மூன்று ஷிப்டுகளில் பணிபுரிகின்றன.
நபி ஸல்லல்லாஹு அலைஹி வஸல்லம் கூறுகிறார்கள், ‘‘இஷாவுக்கு பிறகு பேசாதீர்கள். ஆனால், இரவு முழுவதும் இப்போது பகல் போல் மாற்றிவிட்டனர். குர்ஆன், ஹதீஸ் கூறுவதற்கு மாற்றமான வாழ்க்கைச் சூழல். குர்ஆன் மனப்பாடம் செய்வதற்கு மட்டுமல்ல. பின்பற்றுவதற்குரியது. வெற்றி பெறும் வழக்கறிஞர் அடிக்கடி சட்ட புத்தகத்தை புரட்டுவார். சட்ட விதிகள் நுணி நாக்கில், நினைவில் இருந்தால் வெற்றி வரும். குர்ஆன் படிக்காத முஸ்லிம் வாழ்க்கையில் வெற்றிபெற முடியாது. சில வசனங்களை தினமும் படிக்கவேண்டும். அப்போதுதான் அல்லாஹ்வின் கட்டளைகள் நெஞ்சில் தங்கும். அமல் வரும். திக்ரு செய்யும் முஸ்லிம் லஞ்சம் வாங்க மாட்டார்.
தப்லீக், ஜமாத்தே இஸ்லாமி இயக்கத்தை சேர்ந்தவர்களிடம் கட்டுப்பாடு உள்ளது. தரீக்கத் ஜமாத்திடம் கண்டிப்பு, கட்டுப்பாடு இல்லை. பயான் கேட்போர் பேனா, குறிப்பு ஏடு கொண்டு வந்து முக்கிய தகவலை எழுதவேண்டும். மாற்றம் கொண்டு வர பணம் தேவையில்லை. அக்லாக் முக்கியம். நபிகளார் வசம் பணமில்லை. தனி மனிதர். நபிகளார் உஹது மலையை தங்கமாக மாற்றும் வல்லமையை பெற்றிருந்தார். தங்கப் பாளம் அவரிடம் இல்லை. சகிப்புத்தன்மை, ஒழுக்கம், முயற்சியின் வாயிலாக பிரச்சாரம் மேற்கொண்டார். பணம் முன் வைத்து பிரச்சாரம் நடைபெறவில்லை. மிஸ்கீன்கள் மத்தியில் வாழ ஆசைப்படுகிறேன். மஹ்ஷரில் ஏழை மத்தியில் எழுப்பப்பட ஆசைப்படுகிறேன். எப்போதும் ‘‘தவ்லத்’’ செல்வத்தை விரும்பியதேயில்லை.
இறைவன் கேட்டான். நுபுவ்வத் மற்றும் செல்வம் வேண்டுமா. நுபுவ்வத் மற்றும் ஏழ்மை வேண்டுமா? நபிகளார் இறை தூதுத்துவத்துடன் ஏழ்மையை தேர்ந்தெடுத்தார். பணம், வலிமை இரண்டைக் கொண்டும் இஸ்லாம் பரவவில்லை. நபிகளார் மக்காவில் ஆயுத வலிமையில் இருந்ததேயில்லை. மதத்தை, நபிகளார் ஒழுக்கம் ‘‘அக்லாக்’’ பரப்பியது. பணம் உதவவில்லை.
ஹமீதுல்லாஹ் தன்னந்தனியே ஹைதராபாத்திலிருந்து புறப்பட்டுச் சென்று பிரான்ஸ் நாட்டில் இஸ்லாத்தை பரப்பினார். 15 மொழிகளில் புலமை பெற்றார். கைர உம்மத் பணியை முஸ்லிம்கள் ஆற்றவில்லை.
சங்கராச்சாரியார் ஒருமுறை கூறினார் ''வேதத்தில் உள்ள கருத்துக்கள் குர்ஆனில் ஒத்து உள்ளது. ஆனால் முஸ்லிம்கள் குர்ஆனை பரப்பவில்லை. கடைப்பிடிக்கவில்லை.'' மனிதன் அறிவு, அனுபவம் மூலம் அனைத்தையும் உணர முடியாது. நபிகளார் வருகையின் நோக்கம் ‘‘இபாதத்’’ உணர்த்துவதாகும்.
உலக மதங்களின் அடிப்படை இறைவன், இறைநினைப்பு, ரஷ்யாவில் நாத்திகம் பேசினர். ஆனால் இப்போது இறைவனை ஒப்புக் கொள்கின்றனர். சமுதாயம் சீரழிந்த பின்னர் ‘‘அல்லாஹ்’’ நினைவு வருகிறது. அடிபட்ட பிறகு மக்களுக்கு புத்தி வரும். முஸ்லிம் மதத்தில் பிறக்காதவர், இஸ்லாத்தை தழுவினால் ஏராளமான சிரமம், சவால், சிக்கல்களை எதிர்கொள்ள வேண்டியுள்ளது. ஏழு மாதங்களில் குழந்தை பிறந்தால் ‘‘இன்கு பேஷன்’’ அறையில் பாதுகாக்க வேண்டும். இறை சட்டத்தை மாற்ற இயலாது. அனைவரும் பரீட்சை மண்டபத்தில் உள்ளோம். சிலருக்கு பணம் தராமல் வறுமையில் சோதிக்கிறான். அனைவரும் இறைவனால் சோதிக்கப்படுகின்றனர்.
எழுதிவையுங்கள். நபி ஸல்லல்லாஹு அலைஹி வஸல்லம் கூறினார்கள் அபூஷா (ரலி) நினைவு ஆற்றல் குறைந்தவர். நான் கூறுவதை எழுதி வையுங்கள். அவருக்கு பயன்படும். இன்னொரு முறை நபிகளார், ‘‘வலது கையை உபயோகிப்பீர். (எழுதி வைக்கவும் இதன் பொருள்) ஞானி ஒருவர் கூறுகிறார் - தோல்விகள் எனக்கு இறைவனை அதிகம் நினைவுபடுத்தின. யாரிடம் வாக்குறுதியளித்தாலும் இன்ஷா அல்லாஹ் கூறுங்கள்.
குகைத் தோழர் குறித்து நபிகளாரிடம் கேட்டதற்கு ‘‘நாளை கூறுகிறேன்’’ நபிகளார் சட்டென்று பதிலளித்தார். நீண்ட நாட்கள் வஹீ வரவில்லை. இன்ஷா அல்லாஹ் கூறுமாறு இறைவன் உத்தரவிட்டான். மாஷா அல்லாஹ், இன்ஷா அல்லாஹ் மொழிவது இபாதத்.
நபிகளார் யாரை அழைத்தாலும் பெயர் கூறி அழைப்பார். அவர்களே இவர்களே மொட்டையாக விளிக்கமாட்டார். யாரிடமாவது கை கொடுத்தால் முழுமையாக கொடுங்கள். பற்றிப் பிடியுங்கள். கை குலுக்கணும். இருவருடைய பாவங்களும் மன்னிக்கப்படும். இலையுதிர் கால நிலையில் உதிர்ந்துவிடும். இலை கொட்டுவது போல பாவங்கள் கொட்டிவிடும். வெள்ளையர் கை குலுக்கி மகிழ்கின்றனர்.
பிராக்டிகல் விஷயங்களை நபிகளார் கற்றுத் தந்தார். ஆணவம் வேண்டாம். சில விஷயங்கள் எனக்கு தெரியும். உங்களுக்கு தெரியாது. சில ஞானம் அனுபவம் உமக்கு தெரியும். எனக்கு பழக்கமில்லை. ஒவ்வொரு நாட்டிலும் அல்லாஹ் ஏதேனும் ஒரு வளத்தை தந்துள்ளான். ஒரு நாட்டில் மனித வளம், இன்னொரு நாட்டில் பெட்ரோல், பிறிதொரு நாட்டில் தொழில் நுட்பம் உள்ளது. பகிர்ந்துக் கொள்ளுமாறு குர்ஆன் வலியுறுத்துகிறது.
சவூதியில் கஃபத்துல்லா இருக்கிறது. பெட்ரோல் உண்டு. பெப்சி ஒரு ரியால். குடிநீர் இல்லை. தக்கன் பூமி நீரை குடித்தால் முகம் பளபளக்கும். அல்லாஹ் இந்த நிஃமத்தை ஹைதராபாத் வாசிகளுக்கு வழங்கியுள்ளான். குர்ஆனை பின்பற்றுவோர் உயர் மனிதர்கள். அவுலியாக்கள். இந்து, கிருத்தவ, யூத மக்களை இறைவனின் படைப்பாக கருதவேண்டும். யாரையும் குறைத்து மதிப்பிட வேண்டாம். மற்றவரை நம்மைவிட உயர்வாக கருதுவது ஞானிகளின் பழக்கம். பிறர் உங்களின் நடத்தையை மதித்தால் போதும். சுயபெருமை வேண்டாம். குர்ஆன் படிப்பது ஷைத்தானுக்கு பிடிக்காது.
(ஹைதராபாத் டோலி சவுக்கி, குர்ஆன் ஃபவுன்டேஷன் நிகழ்ச்சியில் முஹம்மது முஸ்தபா ஷரீப் நக்ஷபந்தி உரை.)
-தமிழில் : பொறியாளர் ஆ.ர. இபுராஹிம்

Saturday, May 26, 2018

நோன்பும் போதைகளும்

நோன்பும் போதைகளும்

https://marhum-muslim.blogspot.in/


நோன்பும் போதைகளும்
ரமலான் என்பதன் பொருள் கரித்தல், எரித்தல் என்பதாகும், கடந்த கால வாழ்வில் ஏற்பட்ட மனிதர்களின் பாவங்கள் கரிந்து போகிற மாதம் இது.
நோன்பை குறித்து இறைவேதமாம் திருக்குர்ஆன் இப்படி வர்ணிக்கிறது.
இறைநம்பிக்கை கொண்டாரே உங்கள் மீது நோன்பு கடமையாக்கப்படுகிறது உங்கள் முன் உள்ள கூட்டத்தார் மீது விதியாக்கப்பட்டது போன்று ஏனெனில் நீங்கள் இறையச்சம் கொள்வதற்காக.
இவ்வசனத்தில் குறிப்படப்பட்ட படி மனிதன் இறையச்சம் பெறுகிற விஷயத்தில் நோன்பு மிக முக்கியமானதாகும்.
இந்த நோன்பின் வழியாக மனிதன் தன் உணர்வுகளின் மீது ஆளுமை பெறுகிறான்.
இந்த ஆளுமைதான் “தக்வா” என்று சொல்கிற இறையச்சதின் ஆணிவேறாகும்.
தன் புற உறுப்புகளை மிகச்சரியாக கையாளுகிற மனிதன் தன் உணர்வு மற்றும் இச்சைகளில் ஆளுமை செலுத்த இயலாமல் ஆகிவிடுகிறான் அல்லது அதை மறந்து இருக்கிறான்.
அந்த ஆளுமையை நோன்பு நமக்கு கற்றுதருகிறது.
வெறும் பசித்திருப்பது மட்டும் நோன்பின் நோக்கமன்று, அதன் ஊடாக மனிதனின் முழு குணமும் மாற்றி அமைக்கப்படுவதைத்தான் இஸ்லாம் விரும்புகிறது.
ஏனெனின், பெருமானார் ஸல்லல்லாஹு அலைஹி வஸல்லம் அவர்களின் ஒரு கூற்று நம் அக கண்களைத் திறக்கிறது.
“எவன் ஒருவன் பொய் பேசுவதையும், அதையே செயலாக செய்வதையும் விடவில்லையோ அவன் பகல் முழுவதும் பசித்திருப்பதும், குடிக்காமல் இருப்பதும் இறைவனுக்கு எந்த தேவையும் இல்லை”
பொன் எழுத்துக்களால் பொறிக்கப்படவேண்டிய ஒரு செய்தியை நபிகள் நாயகம் அவர்கள் கூறுகிறார்கள்.
இந்த ஹதீஸின் மூலமாக நாம் உணர்கிற ஒரு பாடம், பொய் பேசுவதை வாழ்வின் ஏதாவது ஒரு சந்தர்பத்தில் செய்கிற மனிதன், பின் அது வழக்கமாகி அதுவே பழக்கமாகவும் ஆகிவிடுகிறது. அந்த பழக்கம் குறித்தான உணர்வு கூட இல்லாமல் அதை தொடர்ந்து செய்து கொண்டிருக்கிறான்.
அது போன்ற நம் வாழ்வில் உள்ள செயல்களை திரும்பி பார்பதற்குண்டான ஒரு சந்தர்பம்தான் நோன்பு ஆகும்.
ரமலானுடைய காலங்களில் நம்முடைய பழக்கத்தில் உள்ள சில விசயங்களை நாம் விடுகிறோம். உதாரணமாக பீடி, சிக்ரேட், மது போன்ற லாகிறி பொருட்களை முற்றிலுமாக இந்த ரமலானில் விட்டு விடுகிறோம்.
இதை விடுவது மட்டும் போதும் என்றும் நினைத்துக்கொள்கிறோம்.
ஆனால், ஹராமான சொல், செயல், பார்வைகளை விட்டு தவிர்ந்திருப்பதற்கு அழகிய ஒரு வழியை அல்லாஹ் நமக்கு காண்பிக்கிறது.
உங்களுக்கு ஹலாலாக உள்ள ஆகுமாக்கப்பட்ட பொருளை தவிர்ந்திருங்கள் என்று இறைவன் கூறுகிறான்.
உலகில் எவ்வளவு விலை உயர்ந்த பொருளாக இருந்தாலும், அழகிய பொருளாக இருந்தாலும் அது நமக்குரியது என்று ஆகிவிட்டால் அதன் அருமைகளை நாம் மறந்து போகிறோம். மற்றதை தேட ஆரம்பிக்கிறோம்.
இன்றைக்கு உணவுகளும் ஒரு போதையாக ஆகிவிட்து. வகை வகையான உணவை உண்பதற்கு உயர்தர ஹோட்டல்களுக்கும், வெகு தூரம் பிரயாணிக்கிறோம். அந்த போதையை உணரத்தான். ஹாலாலான நம்மக்கு முன்னால் உள்ள உணவை நீ உண்ணக்கூடாது என்று இஸ்லாம் நமக்கு கற்றுத்தருகிறது. அப்பொழுது தான் ஹலால் உணவை குறித்து மனிதன் சிந்திக்கிறான். உணவின் மீதுள்ள போதை தெளிகிறது.
ஹலாலான அழகிய மனைவி உடன் இருக்க அதைவிடுத்து மற்ற அன்னியப்பெண்களை அவன் கண்கள் தேடுகிறது. அனுமதிப்பட்ட மனைவியை தொடுவதற்க்கும், இச்சை பேச்சுகள் பேசுவதற்கும் நோன்பு தடையை ஏற்படுத்தும் போது மனிதனின் அன்னியப்பெண்கள் மீதான போதை தெளிகிறது.
கெட்ட பேச்சுகளில் பழக்கமான நாவு அந்த போதையிலே திழைத்திருக்கிறது. நல்ல விஷயங்களையே ரமலானில் குறைத்து பேசவும். யாராவது சண்டையிட வந்தால் நான் நோன்பாளி என்று சொல்லவும் எனபதைக்கொண்டு பேச்சில் உள்ள போதையை இஸ்லாம் உணரவைக்கிறது.
இதை எல்லாம் விட இன்றைக்கு இளையவர், பெரியவர் என்ற வித்தியாசம் இல்லாமல். எல்லோருடைய நேரத்தையும் மொத்தாக தின்று கொண்டிருப்பது. இன்றைய Social Media/ Mass Media என்று அழைக்கப்படும் whatsup, face book, Telegram போன்றவை நம்முடைய மொத்த நேரத்தையும் எடுத்துக்கொள்கிறது.
எவ்வளவு நேரம் அதில் செலவிடுகிறோம் என்று கூட தெரியாமல் தன்னை மறந்து வேறு ஒரு உலகிற்கு நாம் சென்றுவிடுகிறது.
இன்றைக்கு இருக்கும் எல்லா போதகளையும் விட மோசமான போதை அது தான். ஆக இந்த ரமலானின் நாம் ஒரு உறுதி எடுக்கவேண்டும். Ramzan free from facebook, whatpu, telegram என்று நம்முடைய வாட்ஸ் அப்பில் ஸ்டேடஸ் இட்டுவிட வேண்டும். நாம் அதில் பாயான் கேட்கலாம், நல்ல விஷயங்களை பகிந்துகொள்ளலாமே என்று நம் மனதும் ஷைத்தானும் வலியுறுத்துவார்கள்.
அல்லாஹ் காப்பானாக ரமலான் என்பது அமல்களின் மாதம் Month of Action அது படிக்கிறது மாதம் அன்று. அதில் அதிகமாக குர்ஆன் ஓதுவது, ஸலவாத் சொல்வது, என்ற நல்லறங்களால் நம் மறுமை ஏடு நிறப்படவேண்டும்.
அதில் ரஸூலுல்லாஹ் ஸல்லல்லாஹு அலைஹி வஸல்லம் அவர்கள் பொறுமையின் மாதம் என்று வர்ணித்ததுபோன்று பொறுமையாகவும், அமைதியாகவும் இருந்து நம் உள்ரங்க குண நலன் மாறுவதற்கு முயற்சி செய்யவேண்ம். இந்த ரமலானை முழுமையாக பயன்படுத்தி நம்மை நாம் பண்படுத்துவதற்க்கு அல்லாஹ் உதவிசெய்வான ஆமீன்.

Sunday, May 20, 2018

இல்லறத்தின்   இயக்குனர்கள் ஆண்கள்! இல்லறத்தின்    இதயங்கள் பெண்கள்!

இல்லறத்தின் இயக்குனர்கள் ஆண்கள்! இல்லறத்தின் இதயங்கள் பெண்கள்!

Image result for இயற்கையும் இல்லறமும்!
https://marhum-muslim.blogspot.in/
இல்லறத்தின்   இயக்குனர்கள் ஆண்கள்! இல்லறத்தின்    இதயங்கள் பெண்கள்!
[ வாழ்க்கை என்பது நிலவு! சிலசமயம் இருட்டும், சிலசமயம் முழுமையான ஒளியைத்தரும். இருட்டைக்கண்டு இடிந்துபோய் உட்கார்ந்துவிட்டால் வாழ்க்கையில் முழுமையான ஒளியைக் காணமுடியாது.
வாழ்க்கை என்பது ஒரு இருட்டறை! அதில் அன்பும், காதலும் இரண்டு ஒளி விளக்குகள். இந்த விளக்குகள் இல்லையானால் அந்த வாழ்க்கையில் பயன் இல்லை, ஒளியில்லை.
வாழ்க்கை என்பது விளைநிலமாகும். மண்வளத்தையும், அது பராமறிக்கப்படும் விதத்தைப் பொருத்தே பயிர்கள் வளர்ந்து பலன் தருவதுபோல் மணவளத்தைப் பொருத்தே இன்பம் உண்டாகிறது.
வாழ்க்கை என்பது இரண்டு கயிறுகளால் இணைத்துக் கட்டப்பட்டுத் தொங்கவிடப்பட்டுள்ள ஊஞ்சல். அது தானாக ஆடாது. நாம் உந்தித்தள்ளினால்தான் ஆடும். அதிலே ஆடும்போது நம் உள்ளமெல்லாம் இன்ப ஊஞ்சலாடும்.]
Image result for இயற்கையும் இல்லறமும்!இல்லறத்தின் இயக்குனர்கள் ஆண்கள்! இல்லறத்தின் இதயங்கள் பெண்கள்!
மணம்புரிந்து மாறாத இன்பம் காணத்துடிக்கும் மணமக்களே!
வாழ்க்கை என்பது வசந்தகாலப் பூங்கா. அன்பிலே பிறந்து அறத்தால் வளர்ந்து, பண்பிலே சிறந்து பாரில் உயர்ந்தது இல்லற வாழ்க்கை. இந்த இல்வாழ்க்கை வானிலும் விரிந்தது, தேனிலும் இனிமை மிக்கது, தென்றலிலும் சுகமானது, நிலவினும் குளிர்ச்சியானது, நெஞ்சமெல்லாம் நிறைந்து நிற்பது.
இல்லறத்தின் தலைவர்கள் ஆண்கள் - இல்லறத்தின் இதயங்கள் பெண்கள்.
தன்னந்தனியாக ஆடிக்கொண்டிருந்த முல்லைக்கொடிக்கு ஒருகோல். நேற்றுவரை தனித்திருந்த கன்னிக்கு ஒரு கணவன்! கொடியைத் தாங்கும் கோலுக்கு ஒரு இன்பம்! குமரியைத் தழுவும் கணவனுக்கோ பேரின்பம்!
சூழ்ந்து வீசிக்கொண்டிருக்கும் இனிய காற்றிலே ஆடிக்கொண்டிருக்கும் நறுமலரைப் பாருங்கள். அந்த நறுமலர் இனிய மணத்தை அள்ளி வீசுகிறதல்லவா! அந்த நறுமணந்தான் இல்லற வாழ்க்கையின் இனிய மணம்.
பரந்து விரிந்து கிடக்கும் நீலப்பெருங்கடலிலே, பேரிரைச்சலிட்டுக்கொண்டு பொங்கி எழும் அலைகள், அந்தப் பேரலைகள் கரையைக் கண்டதும் அமைதியாகச் சென்றவிடுகிறதல்லவா! அந்த அமைதி தான் அடுக்கடுக்காகத் துன்பங்கள் ஆர்ப்பரித்து வந்தாலும் அதை அடக்கி ஏற்றுக்கொள்ளும் ஆற்றல் இல்லற வாழ்க்கைக்கு உண்டு என்பதைக்கூறும் பேரமைதியாகும்.
Image result for இயற்கையும் இல்லறமும்!உயர்ந்த மலையிலிருந்து உருவெடுத்து உருண்டோடி வரும் நீர்வீழ்ச்சியைப் பாருங்கள். எவ்வளவு உயரத்திலிருந்து விழுந்தாலும் தெளிந்த நீரோடையாகச் செல்கிறதல்லவா! அந்தத் தெளிவுதான் மனிதன் எவ்வளவு உயரத்திலிருந்து விழுந்தாலும் கலங்கக்கூடாது என்பதை உணர்ந்து கொள்வது இல்லற வாழ்க்கையின் தெளிவாகும்.
வானமண்டலத்திலிருக்கும் மேகக்கூட்டங்களைப் பாருங்கள்! அவை ஒன்றோடு ஒன்று இணையும்போது ஏற்படுகின்ற இடியோசையையும் கேளுங்கள். இன்பமும் துன்பமும் ஒன்றோடொன்று மோதும்போது ஏற்படுகின்ற நிலையை உங்களுக்கு உணர்த்தும். அதைக்கண்டு கலங்கிவிடாதீர்கள். இடிஇடித்து மழை பெய்யும் என்பார்கள். ‘துன்பம் வந்தல் துணிந்துநில், இன்பம் பிறக்கும்’ என்பதைத்தான் இது உணர்த்துகிறது.
வளைந்து வளைந்து தோன்றும் மலைத்தொடர்கள், நெளிந்து நெளிந்து செல்லும் சிற்றாருகள், வானமண்டலத்தில் மிதந்து செல்லும் மேகக்கூட்டங்கள், வண்ண ஒளியை வாரி வாரி வழங்கும் நிலவு, கூடுகின்ற மேகம், கொட்டுக்கொட்டென்று கொட்டுகின்ற மழை, பூங்காவில் பூத்துப்பூத்துச் சொரியும் மலர்கள், பளிங்குப் பாறைகள், பாலைவனக் காட்சிகள், இருண்ட இரவுகள், இருளகற்றும் ஞாயிறு, இவையெல்லாம் வாழ்க்கையின் தத்துவங்களை மனிதர்களுக்கு வாரி வாரி வழங்குவதை கவனியுங்கள்.
உயர்ந்த மலைபோல் உள்ளம் வேண்டும். நெளிந்து செல்லும் சிற்றருவிபோல் அவ்வுள்ளம் தெளிவோடு இருக்க வேண்டும். தெளிவோடு இருக்கும் உள்ளத்தில் மேகக்கூட்டம்போல் கருணை தோன்ற வேண்டும். கருணை பிறரை வாழ வைக்கத் தொண்டு என்னும் மழையைப் பெய்யவேண்டும்.
Image result for இயற்கையும் இல்லறமும்!தொண்டு செய்யும் உள்ளத்தில் காரிருளை விரட்டும் வண்ணநிலவைப்போல் ஒளி மிகுந்திருக்க வேண்டும். ஒளிசிந்தும் உள்ளம் பிறருக்கும் வாழவழி காட்ட வேண்டும். இதனால் பாலைவனம் போன்றிருக்கும் பலர் உள்ளத்தில் பசுமை உண்டாக்கப் பாடுபட வேண்டும். கயவர்களுக்குப் பாறையாகத் தோன்றும் இல்லற வாழ்க்கை தம்பதிகளுக்கு கவினுறுசோலையாகத் திகழ வேண்டும்.
இதைத்தான் இயற்கை மனிதர்களுக்கு உணர்த்தி நிற்கிறது. இன்பத்திற்கும் துன்பத்திற்கும், காதலுக்கும் மோதலுக்கும், தன்னலத்துக்கும் பொதுநலத்துக்கும், செல்வத்துக்கும் வறுமைக்கும், முதலுக்கும் முடிவுக்கும் இல்லறத்துக்கும் துறவறத்துக்கும், இயற்கை கற்றுத்தரும் பாடங்கள் ஏராளம் ஏராளம்! பாடத்தை நன்கு கற்றுத் தெளிந்து விடை எழுதிவிட்டால் வாழ்க்கைத் தேர்வில் சிறந்த மதிப்பெண் பெற்று வெற்றி பெறலாம்.
நல்ல விதைகளை ஊன்றினால் நல்ல மரங்கள் தோன்றி நல்ல கனிகளைத் தரும். நல்ல எண்ணங்களை உருவாக்கினால் நலமான வாழ்க்கை அமைந்து இன்பத்தைத் தரும்.
Image result for இயற்கையும் இல்லறமும்!நல்ல வாழ்க்கையை உருவாக்குவதும் மனிதர்கள்தான். குருவிக்கூட்டைப்போல் பிய்த்து எறிபவர்களும் மனிதர்கள்தான். மனிதர்கள் அறிவுக்கண்ணை மூடிக்கொண்டிருக்கும்போது அவர்களின் அகத்தில் துன்பம் பேயாட்டம் போடும். தூங்கிவழிந்து கொண்டிருக்கும்போது துன்பம் அவர்களை மூட்டைப்பூச்சிபோல் துன்புறுத்தும். மூடிய கண்ணைத் திறந்து அகன்ற விழிகளால் அறிவை அரவணைத்து சோர்வை உதறித் தள்ளிவிட்டால் துன்பங்கள் எங்கோ பறந்துவிடும்.
வாழ்க்கை என்பது நிலவு! சிலசமயம் இருட்டும், சிலசமயம் முழுமையான ஒளியைத்தரும். இருட்டைக்கண்டு இடிந்துபோய் உட்கார்ந்துவிட்டால் வாழ்க்கையில் முழுமையான ஒளியைக் காணமுடியாது.
வாழ்க்கை என்பது ஒரு இருட்டறை! அதில் அன்பும், காதலும் இரண்டு ஒளி விளக்குகள். இந்த விளக்குகள் இல்லையானால் அந்த வாழ்க்கையில் பயன் இல்லை, ஒளியில்லை.
வாழ்க்கை என்பது விளைநிலமாகும். மண்வளத்தையும், அது பராமறிக்கப்படும் விதத்தைப் பொருத்தே பயிர்கள் வளர்ந்து பலன் தருவதுபோல் மணவளத்தைப் பொருத்தே இன்பம் உண்டாகிறது.
வாழ்க்கை என்பது இரண்டு கயிறுகளால் இணைத்துக் கட்டப்பட்டுத் தொங்கவிடப்பட்டுள்ள ஊஞ்சல். அது தானாக ஆடாது. நாம் உந்தித்தள்ளினால்தான் ஆடும். அதிலே ஆடும்போது நம் உள்ளமெல்லாம் இன்ப ஊஞ்சலாடும்.
www.nidur.info